Keda Semper Fiel

1. Semper fiel na Dios Yehova,

nos ta buska su instrukshon,

aplikando su Palabra

ku amor i deboshon.

E ta lusa nos kaminda

pa nos nunka trompeká.

E anhelo di nos alma

ta p’E mira nos fieldat.

2. Semper fiel na nos rumannan,

nos ta kla pa duna un man,

semper suave, kariñoso,

anto nunka deskonfiá.

Respetuoso den palabra

pa no sembra desunion.

Hala serka, keda huntu,

den amor di kurason.

3. Semper fiel n’e wardadónan

ku Yehova a duna nos.

Keda semper obediente

na nan suave instrukshon,

pa nos agradá Yehova

den humilde sumishon.

Keda fiel den Su kaminda

pa nos tin su bendishon.