Kaha di Pregunta

◼ Kuantu tempu nos mester studia ku un studiante di Beibel progresivo?

Ta mihó pa nos keda studia ku un studiante di Beibel progresivo te ora e kaba dos publikashon esta, e buki Kiko Beibel Ta Siña Realmente? i Adorá e Úniko Dios Berdadero. Si e batisá promé ku e kaba e dos bukinan ei, ta bon pa nos sigui studia kuné, i den e kaso ei nos por sigui konta e ora, rebishita i estudio. Si un publikadó kompañá nos i partisipá den e estudio, e tambe por konta e ora.​—⁠Wak Nos Ministerio di Reino di mart 2009, página 2.

Ta importante pa studiantenan tin un bon fundeshi den e bèrdat promé ku nan para riba nan pia. Nan mester ta “firmemente araigá” den Kristu i ‘establesí den nan fe’ pa nan por wanta e pruebanan ku nan lo haña. (Kol. 2:​6, 7; 2 Tim. 3:12; 1 Ped. 5:​8, 9) Ademas, pa nan por siña otro hende na un manera efikas, nan mester tin “konosementu [eksakto] di e bèrdat.” (1 Tim. 2:⁠4) Ora nos studia dos buki ku e studiante, nos ta yud’é pa e por kana di un manera stabil riba “e kaminda ku ta hiba na bida.”​—⁠Mat. 7:⁠14.

Promé ku e ansianonan aprobá pa un studiante batisá, nan tin ku hasi sigur ku e ta komprondé e siñansanan básiko di Beibel bon i ku e ta biba na armonia ku nan. E ansianonan mester ta kouteloso spesialmente ora ta trata di un studiante ku no a kaba di studia e promé buki ainda. Si un persona no ta kla pa batisá, e ansianonan lo perkurá pa e haña e yudansa nesesario pa e por kualifiká pa boutismo den futuro.​—⁠Wak e buki Organisá pa Hasi Yehova Su Boluntat, página 216-⁠218.

[Komentario na página 2]

Ta importante pa studiantenan tin un bon fundeshi den e bèrdat