Bo Ta Discreto?

ORA Moises tabata nombra huesnan pa Israel, el a haci esfuerso pa haña “homber sabí i discreto i cu experencia.” (Deuteronomio 1:13) Experencia, cu a bini segun cu bo edad a subi, no tabata e único criterio. Sabiduria i discrecion tambe tabata importante.

Un persona discreto ta demostrá bon huicio den abla i conducta. Segun Webster’s Ninth New Collegiate Dictionary, un persona discreto ta ‘capas tambe pa mantené silencio prudente.’ Sí, tin “un tempu pa papia” i tin “un tempu pa keda ketu,” i un persona discreto ta dicerní e diferencia. (Eclesiástes 3:7) Hopi bes tin bon motibu pa keda ketu, pasobra Bijbel ta bisa: “Den e abundancia di palabra, tin delitu sin falta, pero ken cu ta frena su lip ta actua discretamente.”—Proverbionan 10:19.

Cristiannan ta percurá pa nan ta discreto den nan trato cu otro. E persona cu ta papia mas tantu of mas convincente no ta semper esun mas importante of esun mas indispensabel. Corda, Moises tabata “poderoso den su palabranan,” pero e no por a guia e nacion di Israel den un manera eficas sino te ora cu el a cultivá pacenshi, suavedad i dominio propio. (Echonan 7:22) P’esei, specialmente esnan cu ta ser confiá cu autoridad riba otronan, mester haci esfuerso pa nan ta modesto i demostrá un spiritu razonabel.—Proverbionan 11:2.

E Palabra di Dios ta describí e personanan na ken Jesucristo a confia “tur su pertenencianan,” como “fiel i discreto.” (Mateo 24:45-47) Nan no ta core pasa Jehova forbij inmodestamente, basá riba un capricho impulsivo; tampoco nan no ta keda tarda patras una bes cu Jehova su direccion riba un asuntu ta bon cla. Nan sa ki ora ta tempu pa papia i ki ora ta tempu pa warda silenciosamente riba mas clarificacion. Tur cristian ta haci bon di no solamente imitá nan fe, sino tambe duna prueba cu nan ta discreto manera e clase di esclabo.—Hebreonan 13:7.

Lo Bo Deseá un Bishita?

Asta den e mundu turbulento aki, bo por haña felicidad for di conocimentu bíblico exacto di Dios, su Reino i su propósito maraviyoso pa humanidad. Si bo ta deseá mas informacion of si bo kier pa un hende bishitá bo na cas pa conducí un studio di Bijbel grátis cu bo, por fabor, skirbi Watch Tower, P.O. Box 4708, Curaçao, N.A., of n’e adres mas cumbiniente mencioná na página 2.