Hasi Esfuerso pa Kuminsá Estudio di Beibel Riba e Promé Djasabra

For di mei 2011, publikadónan a ser animá pa trata na kuminsá un estudio di Beibel riba e promé djasabra di luna. Pa yuda nos ku esei, a prepará un seri ku ta sali regularmente den E Toren di Vigilansia, edishon pa públiko, ku yama “Pregunta Ku Beibel Ta Kontestá.” P’esei, e reunion pa sirbishi riba e promé djasabra mester enfatisá kon pa usa e rasgo akí di e revista pa kuminsá estudionan di Beibel i e mester inkluí un demostrashon di un presentashon.

E ansianonan por skohe pa laga kada grupo di sirbishi reuní apart riba e promé djasabra di luna, òf nan por disidí pa laga e gruponan reuní huntu na Salòn di Reino. Sinembargo, si tin mas kongregashon ku ta usa e Salòn di Reino, niun kongregashon no mester kambia e dia spesial pa kuminsá estudio di Beibel pa un otro dia djis pa tur grupo por reuní huntu pa e salida.