Pa Bira Bon Maestro, Nos Mester Prepará

Na por lo ménos dos okashon hende a hasi Hesus e mesun pregunta tokante bida eterno. Pero na tur dos okashon el a adaptá su kontesta na nesesidat di e persona ku a hasié e pregunta. (Luk. 10:25-28; 18:18-20) P’esei, aunke kisas nos konosé e informashon den e publikashon di estudio bon, tòg ta importante pa nos prepar’é di antemano ku e studiante na mente. Nos por puntra nos mes: ‘Ki puntonan lo ta difísil pa e komprondé òf aseptá? Kua di e tekstonan menshoná lo mi por lesa kuné? Kuantu paragraf nos lo trata?’ Ademas, bo por prepará un ilustrashon, splikashon òf un par di pregunta ku lo por yud’é kapta e informashon. No lubidá ku ta Yehova ta esun ku ta laga e simia di e bèrdat krese den su kurason. P’e motibu ei, nos tin ku pidi Yehova pa bendishoná tantu e studiante komo nos preparashon pa e estudio i e esfuerso ku nos ta hasi pa yuda e studiante den sentido spiritual.—1 Kor. 3:6; Sant. 1:5.