“Nos No Ta Entregá”

4:16-18

Imaginá bo ku dos famia ta biba den e mes edifisio. E edifisio ta bieu i ta den mal kondishon. Un di e famianan akí ta sinti nan desesperá. Pero, pa straño ku por parse, e otro famia sí ta kontentu. Dikon? E di dos famia pronto lo muda bai na un kas nobo i bunita.

Aunke “henter kreashon huntu ta sigui keña i ta keda den doló,” Dios su sirbidónan tin un speransa ku ta yuda nan perseverá. (Rom 8:22) Nos sa ku e difikultatnan ku nos ta pasa aden aworakí, asta esnan ku nos ta soportando pa dékada largu, ta “leve i pa un tempu kòrtiku” si nos kompará nan ku eternidat den Dios su mundu nobo. Si nos enfoká riba e futuro bendishonnan di e reino, esei lo yuda nos tin un grado di goso i lo yuda nos pa no entregá.