LÈS 16

Animante i Positivo

Yòb 16:5

RESÚMEN: Enfoká riba e solushon i riba e kosnan ku lo motivá bo oyentenan i no riba e problema.

Kultivá un punto di bista positivo di bo oyentenan. Konfia ku bo kompañeronan kristian ke agradá Yehova. Asta si bo tin ku duna nan konseho, ora ku ta posibel elogiá nan sinseramente promé ku bo duna nan konseho.

Laga amor, i no bo disgustu, motivá loke bo ta bisa. Smail na un manera kaluroso pa yuda bo oyentenan sinti ku bo ta komprondé nan i ku nan por konfia bo.
Limitá informashon negativo. Referí na e aspektonan negativo di un tópiko solamente si nan ta sirbi un propósito útil. Generalmente, e tono di bo presentashon mester ta positivo.
Hasi bon uso di e Palabra di Dios. Hala atenshon na loke Yehova a hasi, ta hasi i lo hasi pa humanidat. Animá i fortalesé bo oyentenan.