Ta Ken Ta Bo Doño?

1. Ta ken bo doño ta?

Kua dios bo ke agradá?

Esun ku bo ta obedesé,

e ta bo dios; bo ta sirbié.

Bo no por sirbi dos

ni logra di kompartí

bo pleno amor ku tur dos señor.

Bo⁀amor lo ta dividí.

2. Ta ken bo doño ta?

Kua dios bo ke agradá?

Bo por sigui tras di falsedat,

òf sirbi⁀e Fuente di bèrdat.

Ainda bo ta fiel

na Sésar komo bo rei?

Òf bo ta leal n’e Dios sin igual

i semper sigui su lei?

3. Ta ken mi doño ta?

Yehova lo ta mi Dios.

Esei ta mi firme desishon;

e tin mi pleno deboshon.

Su Yu Dios a⁀entregá

pa paga pa mi piká.

Pa semper awor e tin mi amor;

di dje, di dje so mi ta!