Kristu, Nos Ehèmpel

1. Yehova⁀a mustra⁀amor,

bondat i gran fabor,

mandando Kristu pa nos gana bida.

Hesus a revelá

kon hende mester ta,

pa onra⁀e nòmber di nan Kreador.

2. E pan ku⁀a sosten’é

i semper instruyé

ta e Palabra di su Dios i Tata.

I⁀e kos ku⁀a deleit’é,

ku mas a fasin’é,

ta kumpli⁀e obra ku Dios a dun’é.

3. Hesus a mustra nos

kon stima i⁀onra Dios

henter nos bida, ku kada rosea.

Awor ta di mustr’é

ku nos a komprondé

i hiba⁀un bida manera di dje.