“Por Fabor Yuda mi! Boso Ta Mi Úniko Speransa”

KU E PALABRANAN AKI UN DÒKTER di Universidat Médiko di Kaunas, Lituania, a terminá un karta ku el a manda na e ofisina di Testigunan di Yehova dje pais ei. E dòkter a splika:

“Na trabou mi a kuminsá lesa e buki Loke hovenan sa puntra​—⁠Contesta práctica. Mi tabatin pensá di usa informashon for di dje den algun di mi artíkulonan, pero algu a pasa i e buki a disparsé. Parse ku un hende a bai kuné. E echo ku mi a pèrdè un tesoro asina, a molestia mi bastante. Por fabor, sea asina bon di manda un otro ehemplar pa mi.

Mi tin hopi mester dje buki aki pasobra mi ta bishitá skolnan i ta traha ku hóbennan, i e buki aki ta yuda mi kontestá hopi di nan preguntanan. Si mi haña un otro ehemplar, lo mi ten’é na kas i kuid’é bon. E buki aki ta kontené algu hopi balioso, i ta p’esei un hende lo mester a bai kuné. Den e tempu difísil aki, bo mester saka fortalesa for di un kaminda. Por fabor yuda mi! Boso ta mi úniko speransa.”

E buki Loke hovenan sa puntra ta trata hopi pregunta ku e hubentut sa hasi nan mes, manera: “Kon Mi Por Hasi Mi Mayornan Duna Mi Mas Libertat?,” “Mi Mester Hui for di Kas?,” “Kon Mi Por Haña Berdadero Amigu?,” “Kua Ofishi Mi Mester Skohe?,” “Kiko di Relashon Seksual Promé ku Kasamentu?” i “Kon Mi Por Sa si Ta Berdadero Amor?” Esakinan ta título di djis un par dje kapítulonan. Pa bo haña un ehemplar, yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 dje revista aki.

□ Manda pa mi un buki Loke hovenan sa puntra​—⁠Contesta práctica.

□ Por fabor, tuma kontakto ku mi pa un studio di Beibel grátis na kas.