Debate na Televishon Tokante Testigunan di Yehova

Durante aña 2000 i 2001, un atake a wòrdu lansá kontra Testigunan di Yehova na Georgia, un eks-repúblika di Union Soviétiko. Un kanal di televishon popular na Georgia a transmití un debate entre un polítiko, kende a hasi un petishon pa prohibí e obra di Testigunan di Yehova, i un profesor ku korte a asigná pa hasi un investigashon a fondo di literatura di e Testigunan.

Reakshonando riba e avalancha di akusashonnan ku e polítiko a hasi kontra loke e Testigunan ta kere, e profesor a protestá ku loke e polítiko a bisa “no tin base.” Anto ku un ehemplar di e buki Conocimentu cu Ta Hiba na Bida Eterno den su man pa e televidentenan mira, e profesor a bisa: “At’akí loke Testigunan di Yehova ta kere.”

Despues e profesor a kuminsá lesa e promé paragraf di e buki aki, ku ta konkluí ku e palabranan: “Sin embargo, pa hopi hende bida ta parse di ta presentá un problema serio tras di otro. Si esei tabata bo eksperensia, kobra ánimo.”

E publikashon aki ta kontestá preguntanan bíbliko ku hopi hende tin. Por ehèmpel, e ta trata temanan manera: “Ken Ta e Dios Berdadero?,” “Pakiko Nos Ta Bira Bieu i Muri?,” i “Pakiko Dios Ta Permití Sufrimentu?”

Bo tin gana di haña un ehemplar di e buki aki di 192 página pa bo mes hasi un investigashon? Bo por manda pidi un ehemplar dor di yena e kupòn aki bou i mand’é n’e adrès riba e kupòn òf na un adrès mas kumbiniente menshoná na página 5 dje revista aki.

□ Manda pa mi e buki Conocimentu cu Ta Hiba na Bida Eterno.

□ Por fabor, tuma kontakto ku mi pa un studio di Beibel grátis na kas.