Repaso di Skol di Ministerio Teokrátiko

Lo konsiderá e siguiente preguntanan na e Skol di Ministerio Teokrátiko den e siman di 26 di ougùstùs 2013. E fecha promé ku e referensia ta indiká e siman ku a trata e informashon, ya asina kada ken por hasi investigashon ora e ta prepará kada siman pa e skol.

1. Ki lès importante nos por siña for di e echo ku Rei Heródes a aseptá alabansa i gloria ku e no a meresé? (Echo. 12:21-23) [1 di yüli, w08 1/5 pág. 11 par. 9]

2. Ki benefisio hóbennan kristian por saka ora nan analisá i sigui e ehèmpel di Timoteo? (Echo. 16:1, 2) [8 di yüli, w08 1/5 pág. 11 par. 12]

3. Kon Akila ku Priskila a yuda Apolo despues ku nan a tend’é “papia ku kurashi” den e snoa na Efeso? (Echo. 18:24-26) [15 di yüli, w10 1/6 pág. 15 par. 4]

4. Ki base bíbliko Testigunan di Yehova tin pa akudí na korte di nan pais pa defendé nan derecho di prediká? (Echo. 25:10-12) [22 di yüli, bt-S pág. 198 par. 6]

5. Kon apòstel Pablo a sigui buska maneranan pa prediká asta ora e tabata prezu na Roma, i kon hopi sirbidó di Yehova djawe ta imitá su ehèmpel? (Echo. 28:17, 23, 30, 31) [29 di yüli, bt-S pág. 215-217 par. 19-23]

6. Dikon Beibel ta bisa ku aktonan homoseksual ta innatural i indesente? (Rom. 1:26, 27) [5 di oug., g-S 1/12 pág. 28 par. 7]

7. Kon “e reskate ku Kristu Hesus a paga” na aña 33 D.K. por a kubri ‘e pikánan kometé’ promé ku e reskate mes a ser pagá? (Rom. 3:24, 25) [5 di oug., w08 1/6 pág. 29 par. 6]

8. Ki provishon amoroso Yehova a hasi pa ora nos haña nos den situashonnan asina konfuso ku nos no sa kiko pa pidi den orashon? (Rom. 8:26, 27) [12 di oug., w08 1/6 pág. 30 par. 10]

9. Kiko e konseho pa praktiká òf “sigui e kaminda di hospitalidat” ta enserá? (Rom. 12:13) [19 di oug., w09 1/10 pág. 13-14 par. 12-13]

10. Segun e konseho di apòstel Pablo, kon nos ta “bisti Señor Hesukristu”? (Rom. 13:14) [26 di oug., w05 1/1 pág. 11-12 par. 20-22]