Tep Di Luna

Publikashon di Konsulta Riba Watchtower BIBLIOTEKA ONLINE

Nos tin vários publikashon di konsulta online. Na papiamentu nos tin Guia pa Buska Informashon den Publikashonnan di Testigunan di Yehova i hopi otro idioma tin tambe Glosario, Índice de las publicaciones Watch Tower i Perspicacia para comprender las Escrituras. Tur e publikashonnan ei ta yuda bo haña mas informashon riba hopi tópiko.

E hòki pa buska den Watchtower BIBLIOTEKA ONLINE ta yuda bo haña akseso fásil na nos publikashonnan di konsulta. Si bo taip algu den e hòki, un lista di sugerensia lo aparesé. Palabranan ku ta den nos publikashonnan di konsulta lo tin e palabra “Tópiko” nan tras.

Purba esaki: Kuminsá taip “Yehova” den e hòki pa buska (A). Klek riba e sugerensia “Yehova” ku tin “Tópiko” su tras (B). Lo bo mira e publikashon di konsulta ku e ta aparesé aden.

E hòki pa buska riba “Watchtower BIBLIOTEKA ONLINE.” A ta indiká un palabra ku a taip den e hòki pa buska. B ta indiká e palabra “Tópiko” ku ta aparesé tras di e sugerensia di e palabra ku a buska.