Ngerang a Soal a Dios?

A Dios a soal a bo dekiei el ngar er a budech me a deurreng er a baradis el chutem el mo cherechar!

Engdi ke locha mo melatk el kmo, ‘Tiang mekerang e sebechel el mo uaisei?’ A Biblia a melekoi el kmo a Rengedel a Dios a mo kutmeklii tia el tekoi. A Dios a soal a rokui el chad a bo losuub el kirel tia el Renged me a moktek er ngii el kired.​—Psalm 37:11, 29; Isaia 9:7.

A Dios a soal a bo dengai a klungioled.

A Demad el ngar er a eanged a soal a doldeu a rengud el mo cherechar, el di uai a ungil el chedam el soal a kot el ungil el kirir a rengelekel. (Isaia 48:17, 18) Ngtilbir el kmo ngike el “meruul a ikel odeuir a rengul a Dios a di melemolem er a klengar er ngii el diak a ulebengelel.”​—1 Johanes 2:17.

A Dios a soal a dorael el oltirakl er ngii.

A Biblia a kmo Ngike el Ulemeob er kid a olisechakl er kid “er sel soal a doruul er ngii” me ngsebeched el mo “merael er a ikel rael el bla lengilt.” (Isaia 2:2, 3) Ngmla kutmeklterir a rechad “el kirel a ngklel” el mo ouchais er a soal el meliuekl er a beluulechad el rokir.​—Rellir 15:14, Beches el Testament.

A Dios a soal a dongull er ngii el ngar er a kltarreng.

A bliochel el omengull el mo er a Jehovah a oldak er a rechad el okiu a mera el bltikerreng el diak loleakl er tir. (Johanes 13:35) Te rua techang a olisechakl er a resechal me a redil el mo mesiou er a Dios el ngar er a kltarreng? Aki olengit er kau me bo mosiik er a nger er tia el ker el oeak tia el babier.