Subed

◼ Aike el babier el bo dorous er a Ongeua, Ongeim, me a Ongelolem el Buil: A Ongkerongel el babier. Sel omluut el mo oldingel er tirke el chad el mle semeriar, e momuchel a omesubel a Biblia el obengterir. Ongeuid el Buil: Ngii di el 32 el llel el brochure el ngar er ngii er a ongdibel.

◼ Aike el miting el kltmokl el kirel sel sandei er a temel a convention a sebechel el mo meketmokl el mo mesaod a tekoi er a omellach me a uleklatk el kirel a convention el mo er ngii. A tang me a lechub e ngcheru el buil er a uchei er a convention, e ngkirel el mo motobed a cheldecheduch el kirel aike el ousbech a ongdibel el mo omelekl aike el meklou a ultutelel el tekoi er a convention el ngii a lomes a tirke el rokui el mla mo oldingel a obliil el kmo ngmo uchul a klungiolel a ureor er a berkel a klumech.

◼ Ngomuchel er a Ongeim el buil, e a rokui el ongdibel a kmal kirel el mo ousbech er sel kot el Sebadong er a bek el buil el melasem el omuchel a omesubel a Biblia. A suobel el ngar er A Ongkerongel el “Mosuub er a Tekingel a Dios,” el ngii a mo tuobed er chelsel aika el babier, a mla meketmokl el lolengeseu er a republisher el mo meruul er tia el tekoi. Ngar er a ulebongel el llel a bek el Omesiunged el Kirel a Renged e ngmo er ngii a olechotel a rolel a domuchel a cheldechedechad el kirel sel ongingil el buil, el uldimukl er ngii a rolel a domuchel a omesubel a Biblia er a kot el Sebadong er a bek el buil.