Subed

◼ Aike el babier el bo dorous er a Ongeteruich me a Ta el Buil me a Ongeteruich me a Ongeru el Buil: Mousbech er a ta er aika el tract el: Kau Ngsoam el Mo Medengelii a Klemerang?, Ngtecha Mera el Mengederedel er a Beluulechad?, me a lechub A Klengar el ngar er a Chelsel a Budech el Beches el Beluulechad. A lsekum e ngar er ngii a semeriar, e mochotii a rolel a dosuub el ousbech er a Biblia Olisechakl el babier me a lechub e ngbabier el Molengesenges er a Dios Me Bo Mkiei el Mo Cherechar. Kot me a Ongeru el Buil: Morous aike el 32 a llel el babier el ngar er ngii. Sel omluut el mo oldingel er tirke el semeriar, e mousbech er a babier el Biblia Olisechakl me a lechub e Molengesenges er a Dios Me Bo Mkiei el Mo Cherechar el babier a lsekum e ngungil el kirir, e molasem el omuchel er a omesubel a Biblia.

◼ A rokui el publisher el dirkak el rruul a DPA (durable power of attorney) card a muchelechel el mo kutmeklii tia el tekoi. Tia el DPA card a omekerreu er sel omelilt er kau el diak molai a oidel a rasech. A remechuodel a mo olengeseu er tirke el ousbech a ngeso.​​—Momes er sel chelsel el llel a Omesiunged el kirel a Renged er a November 2006.

◼ Ngomuchel er sel sandei er a December 24, 2012, e kede mo ousbech er a Ungil Chais el mla er a Dios! el babier el kirel a Omesubel a Biblia er a Ongdibel.