Bebil er a Rolel a Domuchel a Cheldechedechad

Omuchel a Omesubel a Biblia er Sel Kot el Sebadong er a September

“Oumesingd el chad a meluluuch. Ngmo lmuut er tirke el diak loumerang er a Dios me te meluluuch sel lechelebangel a meringel el tekoi. Omomdasu e a Dios ngorrenges a rokui el nglunguuch?” Mongiil er a nger er ngii. Mochotii a ikrel a August 1 el Ongkerongel e mdak el mesaod er a suobel el ngar cheungel sel kot el ker me a ta er a bades. Bsang a magazine e mketmeklii a taem el mluut el mong el mo mesaod er a ongingil el ker.

A Ongkerongel August 1

“Aki oldingel el mesaod er a uchul me a rechad a mechas a rengrir er a beluulechad er chelechang el mui er a siasing er a remeau. Engdi te betok el chad a omdasu el kmo a siasing er a remeau a diak a telemellel. Ngera uldesuem? [Mongiil er a nger er ngii.] A Jesus a dilu el kmo ngsebeched el mo medengei el kmo a tekoi ngungil me a lechub e ngdiak el okiu a rodech el omekdubech. [Monguiu er a Mateus 7:17.] Tia el magazine a mesaod a rodech el omekdubech a siasing er a remeau. Ngdirrek el ouchais a rolel e a chad a sebechel el mo diak lomes a siasing er a remeau.”