“Ak Mle Oldingel E Le . . . ”

A rechad sel lengai a chesimer e lesekid el dechor er a medal a tuangel, e nglocha sorir el mo medengei el kmo kede rua techang e ngera uchul me kede ngar sei. Me ngera mo sebeched el dmung me bo el chelellakl a rengrir? A rebebil el mla mo oldingel a obliil er a uriul er a loutkeu er a chad, e te ousbech er a tekoi el “e le” el mesaod er tir. El ua tiang, nglocha sebechir el melekoi el kmo: “Aki mle oldingel e le rebetok el chad a kmal bekikl el kirel a delengerenger el omeruul. Omomdasu . . . ” me a lechub “Ak mle oldingel e le ngsebechek el mesuub a Biblia el obengkem el diak locheraol.” Me a lsekum e ngdi ngar er a uchelel e a chad er a blai a mo medengelii a uchul me ke dechor er a medal a tuangel, e nglocha mo soal el orrenges aike el tekoi el bo molekoi.