Mngesuterir el mo “Mesisiich el Oumerang”

Ngmera el dmeu a rengud el mesa sel rolel a Jehovah a lomekngeltengat er a ureor el meruul er a remo disaiplo, el oeak sel domes er a ildisir a rechad el metecholb el kuk betok er a 250,000 er a bek el rak. (Dut. 28:2) Sel sekum e a publisher a ngosuir a chad el mo metecholb, e ngblechoel el mo diak losuub el obengkel e kuk mo olengeseu er a rebebil. E ngika el milsuub a Biblia a dirrek el mo diak losuub me bo el sebechel el ousbech er a klou el taem el omerk er a klumech. Me nguaisei, engdi tirka el mesuub a Biblia a klou a ultutelel a lebo er ngii a ungil el uchetemel a klemedengei er tir er a klemerang. Ngkirir el mo “mesisiich el ulak” a delongelir tir me a Kristus e mo “mesisiich el oumerang.” (Kol. 2:6, 7; 2 Ti. 3:12) Me a leuaisei, e a uriul er a lemetecholb, e ngkirel el melemolem er a omesubel er a Biblia el dimerekmo bo lemerek el mesuub er a Biblia Olisechakl me a Bltikerreng er a Dios el babier.​—Momes er a April 2011 el Omesiunged el kirel a Renged, 2 el llel.