Mousbech er a “Ngat er a Reng” el Bla Mnguu

Kede rokui el ngmai a omelisiich sel dobengterir a rudam me a rudos er kid. Engdi a denguu a mera el omelisiich e ngousbech er a lmuut el klou er a di mo dmak el kldibel. A Biblia omekedong er a techall el sebeched el kasisiich er a klaumerang el kmo ng “ngat er a reng.” (Rom 1:​11, 12) Ngmekera sebeched el mo ungil lousbech er a ngat el bla denguu?

Bo mungil el melilt a tekoi el mousbech. El ua tiang, sel monger er a miting e ngsebechem el mesaod el kirel a Jehovah, Tekingel, me a rechedal er a bai mosaod el kirem. E sel mongedecheduch er a rekldemem er a klemerang, e mosaod a topic el ngii a melisiich.

Molisiich er a rebebil loeak omelilt er kau me a omerellem. El ua tiang, a rebebil a melilt el di ngar er a mui el taem el omesiou alta ngngar ngii a meringel el tekoi el lechelebangel. A rekuk bebil a locha kmal mesaul a bedengir er a ureor me a lechub ngngar ngii a oberaod el secherir engdi te kmal mei er a miting er a Klengar me a Omesiunged.

Aike el molekoi me a omoruul, nguchul omelisiich el mora rudam me a rudos er kau? Me kau ke mtab aike el loruul a rudam me a rudos er kau el melisiich er kau?