Chelitakl 3 (6)

Domerk er a Diak a Ullebengelel el Ungil el Chais

(Chocholt 14:6-8)

1. Ar anghel a meliuekl ra chutem el suebek,

Lobang a diak a ullebengelel lungil chais.

Ngdmul kmo: ‘Bsang a omengull e bo medakt ra Dios.

Bo mosiou ra Jehovah el di ngii el tang.

E leng mla mei a sikang ra kerrekeriil;

Dikmedung e ar mekngit a oremii a chimal.’

Ma rumerk ra klumech a diak le bol medakd

E bai omerk a ungil chais loba blekeu.

2. E ngdmu’l kmo ngerang ngke’l ongingil anghel

El kid, el chedal a Jah a teloi er ngii?

Ngouchais ra rebetel a Klou el Babilon,

El di kmedung a Dios er kid a mo tomellii.

Ma Jehovah a mellach el kmo bo domerk

El kirel a ngklel ma cheldechuderreng er ngii.

Ma basio el domerk e olisechakl a kmal klou;

Engdi a anghel ra Dios a mekrollid.

3. A Jesus ma rechanghel er ngii a blechobech

Lomuchel el oukerrekeriil er aika’l renged.

Momtok a mekngit. Moltaut a ungil, kemiu’l ua sib.

Bo medakt ra di ta’l Dios e molab a llechul.

A ngerachel el mla ra Rubak el mer kid

A kmo, ‘Momerk ra ungil chais,’ e molisechakl.

Kede melisiich loba blekeu el kmo,

“Mei, me dongull ra Jah loba deurreng.”