Chelitakl 29 (62)

Dmeu a Rengrir, a Rechubechub!

(Matteus 5:7)

1. Te dmeu a rengrir ar chubechub!

Osengel a Dios e te klebokel.

Touchais ar sorir a llemalt

El kmo Dios a chubechub.

Ngara Calv’ry Dios a ullecholt,

Ra chubechub ra olubet ra kngtid.

Ngmesterir a chubechub er tir

Leng medeng’lkid el mechit’chut.

2. Ar chubechub a mukngelt’ngat;

Tolengull lokiu a klausubes.

Te ngmai a klungiolir ra klechub’chub

Seral duum a Kristus ra kingelel a Dios.

Tolecholt tia el klechubechub

Sel lomerk a Tekingel a Dios

E ouchais el kmo: “Bo ldeu a rengum

Le chelechang a Renged a ngar tiang.”

3. Ar chubechub a diak lemedakt

El mo ra kerrekerilel a Dios;

Le klechubechub e te mo omes

Le tir ua ngii, el chubechub.

Me bo doba a klechubechub

E ochotii sel teletael

E ousbech ra bek el techall

Loukerebai a Dios er kid.

(POSTLUD—Euriul er a 3 el bades)

Dmeu a rengrir ar chubechub!

Osengel a Dios te klebokel.