Chelitakl 38 (85)

A Jehovah a Omerteled

(Psalm 91:1, 2)

1. Jehovah a omerteled,

Ke doumerang er ngii.

A lechul a ngelsuid;

Kired el mo kiei er ngii.

Di ngii’l tang a mo kutmeklau

Me ngdiak demekesakl rar mekngit.

Jehovah a klekerenged,

Osobecheklir a remekedung.

2. Ar ta’l telael a moubuu,

Choi, ngar bita er kau,

Mar truich el telael a moubuu,

E kau a diak mekesakl.

Ngdiak ke medakd a kdekudel,

El ua bor ngii a tomellau.

Ke mo omes e mo medengei,

Ra ullekereuil a Dios.

3. Ngdiak a rakd el mo tomellau,

Ma kdekudel el kerior.

Dios a mousbech ar anghel er ngii

El mengkar er kau.

Ngdiak kom medakt ra lion;

Me ke mo roderd a bersoech.

Ngdiak kom mesibas ra bad

Sel bo mosiou ra Dios.

4. Moldanges ra Jehovah;

Mouchais ra llemeltel.

Sel douchais ra teletelel

Ngdiak loututakl er kid.

Bo dolecholt ra blakerreng;

Lokiu a Dios e de nguu osobel.

Jehovah a omerteled;

Ma ngklel a klisiched.