Chelitakl 50 (123)

Bo Dengosechekl el Bedul Uchei!

(Hebru 6:1)

1. Bo dengosechekl el bedul uchei!

Le ngsoal a Dios a doba ducherreng.

Molasem el mo ungil ra urerem,

Me bo mukngeltengat ra Dios.

Ngar ngii a ureor el kirir a rokui;

Eng ureor a lurruul a Jesus.

Bo momes ra Dios me lak meterrob.

Bo mdechor el kirel a llemalt.

2. Bo dengosechekl el oba blekeu lomerk!

A ungil chais a doba el mo ra rokui’l chad.

Moldanges ra Jehova’l Dios er kid,

Sel doldingel ra tuangel mo ra tuangel.

Ar cheraro a rullau el mo medakt,

E lak medakt, e bai mouchais ra rokui

Ungil chais le Rengedel a Dios a kmedang.

Bo momdois el ouchais ra klem’rang.

3. Bo dengosechekl el bedul uchei

Molengeriakl ra duch er kau le ngklou a ureor!

Bechei a reng ra Dios me lormelau

Me bo modengelii a deurreng.

Bom kaubltikerreng ra rokui’l rudam;

E bo mobengterir el ngara miting.

E mngesuterir me bo le ngesechekl,

E bo mdak el mo dmiich a llemesiu.