PART 9

Ngoingerang e Tia el Beluulechad a Mo Paradis?

Me aika el mekngit el tekoi el dubechang a olechotel a kmo a Rengedel a Dios a kmal di kmedu el mo mengedereder. Lukas 21:10, 11; 2 Timoteus 3:1-5

Ngmo betok el tekoi el mo duubech er a uriul el sils—a rechad a mo nguibes er a udoud e diak lolengesenges er a redemerir me a rederrir e mekngit a omerellir. Ngmo er ngii a meklou el mekemad me a bekoiueiuul el rakt me a bosech er a kall

A Biblia a ulemlaoch el kirel a betok el tekoi el dubechang er chelecha el taem. Ngmelekoi el kmo a rechad a mo nguibes a udoud, e diak lolengesenges er a redemerir me a rederrir, e mekngit a omerellir, e di sorir a tametereng.

Ngmo er ngii a meklou el desiu me a mekemad me a bosech er a kall me a dirrek el bekoiueiuul el rakt. Aika el tekoi a kmal ngar er ngii er chelecha el taem.

Ngta er a Sioning er a Jehovah el omerk er a ungil chais el kirel a Renged el mo er a chad

A Jesus a dirrek el millekoi el kmo a ungil el chais el kirel a Renged a mo oberk el mo er a bek el merekelel a beluulechad.—Matteus 24:14.

A Rengedel a Dios a mo okngemed a rokui el chelebirukel. 2 Petrus 3:13

A remekngit el chad a mo mokngemed er a Armakedon, e a Satan me a remekngit el anghel er ngii a mo obals

Ngdi kmedung e a Jehovah a mo olekngemed er a remekngit.

Me a Satan me a remekngit el anghel er ngii a mo obals.

A Jesus a dengchokl er a kingellel er a eanged, e a kakerous el bedengir a rechad a dmeu a rengrir

Tirke el olengesenges er a Dios a mo suobel e mo soiseb er a beches el beluulechad el mui er a llemalt, e dirrek el diak a dakt er a chelsel, ng beluulechad el bo lekiei er ngii a rechad el kaumerang, e kaubltikerreng er a delongelir.