A Timothy a Mle Soal el Olengeseu er a Rechad

A Timothy a mle kekerei el chad el dmeu a rengul el olengeseu er a rechad. Ngmlo er a betok el basio el mo olengeseu er a rebebil. Tiang a uchul me ngkmal mle ungil a klengar er ngii. Ngsoam el mo orrenges el kirel?—

A Timothy a mlukeroul er a mats el ngklel a Listra. E sera lekekerei el ngalek, e a delal a delal el Lois me a delal el Eunice a ulemuchel el olisechakl er ngii el kirel a Jehovah. Me a Timothy er a lemukeroul el mo klou, e ngmle soal el ngosuterir a rebebil el mo mesuub el kirel a Jehovah.

A Timothy er a ledirk kekerei el chad, e a Paulus a ullengit er ngii me lobengkel el mo omerk er a klumech er a bebil el basio. A Timothy a dilu el kmo: ‘Ochoi!’ Ngmle kltmokl el mong el mo olengeseu er a rebebil.

A Timothy a ulebengkel a Paulus el mo er a mats er a Gris el ngklel a Thesalonika. A lebo er isei, e ngmle kirir el merael er a kemanget el omerael e sola e mo ngmasech er a bilas. Me sera lebong, e te ngilsuterir a rebetok el chad el mo mesuub el kirel a Jehovah. Engdi a rebebil el chad a mlo kesib a rengrir e millasem el melemall er tir. Me a Paulus me a Timothy a mle kirir el tuobed er isei e mo omerk er a klumech er a kuk bebil el basio.

A sesei el buil er a uriul, e a Paulus a ullengit er a Timothy me lluut el mo er a Thesalonika e lesa el kmo te ua ngerang a rudam er isei. Ngmle usbechall a klou el blekeu el lmuut el mo er sel kdekudel el mats! Engdi a Timothy a mlong e le ngmle suebek a rengul er a rudam el mla er isei. Ngliluut el mo er a Paulus el olab a ungil chais. A rudam el ngar er a Thesalonika a kmal mle mesisiich!

A Timothy a uluureor el obengkel a Paulus el betok el rak. A Paulus a mle ta el loluches el kmo a Timothy a ngike el kot el ungil el chad el sebechel el oderchii el mo olengeseu a ongdibel. A Timothy a mle betik a rengul er a Jehovah e betik a rengul er a rechad.

Kau ngbetik a rengum er a rechad e soam el ngosuterir el mesuub el kirel a Jehovah?— A lsekum ke uaisei, e ngsebechel el kmal mo dmeu a rengum er a ungil el klengar, el di ua Timothy!