Ngmocha er Ngii a Ngalek el Sechal!

A Abraham me a Sara a mla bechiil el betok el rak. Te chilitii a ungil delengcheklir er a Ur e mo kiei a tento. Engdi Sara dimlak el complain e le nguluumerang er a Jehovah.

A Sara kmal mle soal mo oungalek me ngdilu er a Abraham el kmo: ‘A lsekum a sibik er a Hagar a mo oungalek e ngmo ua le ngelekek.’ Me a omerollel a taem e a Hagar a millechelii a ngalek el sechal. A ngklel a Ismael.

Betok el rak er uriul er a le 99 a rekil a Abraham me a Sara le 89 a rekil e ngmla er ngii a retedei el chad el mle oldingel er tir. Me a Abraham ullengit er tir me lolengull er a cheungel a kerrekar e ledak lomengur. Kau ke medengei el kmo te rua techang tirka el okiak er tir? Te anghel! Te dilu er a Abraham el kmo: ‘Tiakid el taem er a next year e kau me a bechim a mo er ngii a ngelekiu el sechal.’ A Sara a mlara chelsel a tento e orrenges er tir. Ngulecherechur e mlo melatk: ‘Ngak a kmal klungang, ngmera el sebechek el mo oungalek?’

Me a bocha el next year e a Sara milechellii a ngalek el sechal el ua letilbir a anghel er a Jehovah. A Abraham a milengeklii el Isak, el belkul a kmo, “Ng ocherechur.”

A Isak er a le bekord el eim a rekil e a Sara milsa Ismael el omekako er ngii. Ngmle soal el protect er a ngelekel me ngmlora Abraham e olengit er ngii me lodikii a Hagar me a Ismael. A Abraham a dimlak el soal el meruul er tiang engdi a Jehovah dilu er a Abraham el kmo: ‘Morrenges er a Sara. Ak mo take care er a Ismael. Engdi telbilek a mo tmaut lokiu a Isak.’