30 EL SUOBEL
Ngsebechem el Lmuut el Meseterir a Rebetik er a Rengum el Mla Mad!
A kodall a uchul a klou el klengiterreng. A uchul me a Biblia omekedong er ngii el cheraro. (1 Korinth 15:26) Ke silubii er a 27 el suobel el kmo, a Jehovah mo okngemedii a kodall. Engdi ngera duubech el mora rechad el mla mad? Ngar tia el suobel e ke mo mesuub a lmuut el betok el kirel a telbilel a Jehovah el mo olekiis er a rebetok el biliol chad el tir a mo kiei el mo cherechar. Tia ngmera el sebechel mo tekoi? Tirke el mo mekiis te mora eanged me a lechub e te mei er tia el chutem?
1. Ngera soal meruul er ngii a Jehovah el kirir a rebetik er a rengud el mla mad?
Jehovah kmal soal lolekiis er a rulekoad. A ta el chad el Job a mle ulterekokl a rengul el kmo a Dios a diak bo lobes er ngii sel lemad. Ngdilu er a Dios el kmo: “Cho bo momekedong, e ak mo onger er kau [er a debull].”—Monguiu er a Job 14:13-15.
2. Kede mekerang e medengei el kmo a rulekoad a sebechir el lmuut el me chad?
A Jesus er a lengar tia el chutem e a Dios a milsang a klisichel lolekiis er a rulekoad. Ngulekisii er a kodall a 12 a rekil redil me a ngelekel a melakl el dil el sechal. (Markus 5:41, 42; Lukas 7:12-15) A uriul e a sechelil er a Lasarus a mlad. Ngmildakl e mle ulekoad el eua el klebesei, engdi a Jesus a ulekisii er a kodall. A Jesus a milluluuch el mora Dios e mo merek e kmo: “Lasarus, be mtobed! Me ng mle tuobed.” A Lasarus a liluut el me chad! (Johanes 11:43, 44) Molatk er a deuil a rengrir a resechelil me a telungalek er a Lasarus!
3. Ngera omelatk el kirir a rebetik er a rengum el mla mad?
A Biblia tibir el kmo: “Ngmorngii chokiis.” (Rellir 24:15, BT) Tirke el lullekiis er tir a Jesus a dimlak lebora eanged. (Johanes 3:13) Ngulekiseterir el mei er tia el chutem, e tir a kmal mle dmeu a rengrir. Ngdi osisiu, a Jesus a di kmedung e ngmo olekiis er a rebetok el biliol el chad el mo kiei er a baradis el chutem el mo cherechar. Ngdilu el kmo tirke el rokui el ngar omeltkel a Dios a mo mekiis, mo lmuut er tirke el diak dodengelterir el kmo te mle chad er a ta el taem.—Johanes 5:28, 29.
BOM DMOLECH EL MERRITER
Morriter ocholt er a Biblia el lochotii el kmo a rulekoad a sebechir el mekiis. Ngdirrek el mo er ngii okiis. Mesa rolel e a omelatk er a okiis a sebechel mengelaod er kau e meskau omeltkem.
4. Jesus ulechotii el kmo ngsebechel lolekiis er a rulekoad
Mosuub a lmuut el betok el kirel a lerirellii a Jesus el mora sechelil er a Lasarus. Monguiu er a Johanes 11:14, 38-44 e mosaod aika el ker:
Kede mekera medengei el kmo a Lasarus a mera el mle ulekoad?—Momes er a 39 el kekerei el bades.
A lsekum a Lasarus a mlora eanged, e a Jesus ngmo okisii el lmuut el mei er tia el chutem?
5. Te betok a mo mekiis!
Monguiu er a Psalm 37:29 e mosaod er tia el ker:
A rebetok el biliol el chad el mo mekiis, te mo kiei er ker?
Jesus a diak di bo lolekiis er tirke el milengull er a Jehovah. Monguiu er a Rellir 24:15 e mosaod er tia el ker:
Ngtecha soam el mesang el mekiis?
Molatk er tiang: A Jesus a beot er ngii olekiis er a rulekoad el di ua chedam a lolekiis er a ngelekel mechiuaiu
6. A omelatk er okiis a sebechel chemolodau e meskau omeltkem
A cheldecheduch er a Biblia el kirel a ngelekel a Jairus a mla mengelaod e melisiich er a rebetok el ngar er a klengiterreng. Monguiu er tia el cheldecheduch el ngar er a Lukas 8:40-42, 49-56.
A uchei er a Jesus a lokisii a ngelekel a Jairus e ngdilu er ngii el kmo: “Lak louedikel a rengum e di moumerang.” (Momes er a 50 el kekerei el bades.) Ngmekera omelatk er okiis e sebechel ngosukau sel . . .
lemad a betik er a rengum?
lebo er ngii a techellem el mad?
Momes er a VIDEO e mosaod er tia el ker.
Ngmekera omelatk er a okiis e mla chemolodii a delal me a demal a Phelicity?
A REBEBIL A KMO: “Ngmeringel er ngak oumerang er a okiis.”
Ngera uldesuem?
Ngera el bades a sebechem lousbech er ngii lochotii el kmo ngmo er ngii okiis?
SUMMARY
A Biblia tibir el kmo a rebetok el biliol el chad el mla mad a mo mekiis. A Jehovah a soal a lluut el me ngar, e mla msa klisichel a Jesus el mo olekiis er tir.
Review
Ngera uldesuel a Jehovah me a Jesus el kirel okisir a rulekoad?
Tirke el betok el biliol el mo mekiis, te mo mekiis el mora eanged me a lechub e ngtia el chutem? Ngera uchul me ke melekoi el uaisei?
Ngera oterekeklii a rengum el kmo a rebetik er a rengum a lmuut el me ngar?
A LSEBECHEM E MOMES
Monguiu el kirel aike el sebechem el meruul el mo outekangel er a kngtil a rengum.
Omellach er a Biblia, ngmera el sebechel ngosuir a chad el ngar er a klengiterreng?
Ngmekera rengalek e sebechir loutekangel er a kodellel a betik er a rengrir?
Ngngar ngii a mo mekiis el mora eanged? Ngtecha diak bo lebekiis er a kodall?