Mrellii er a Rengum a Mo Meruul er a Remo Disaiplo

Lurruul er Ngii a Jesus

VIDEO: A Jesus a Olisechakl er a Nikodemus

1. Momes er a VIDEO me a lechub e monguiu er a Johanes 3:​1, 2. E molatk aika el ker:

1. Ngera uchul me a Nikodemus a locha mle soal mengedecheduch er a Jesus er a klebesei?—Momes er a Johanes 12:​42, 43.

2. A Jesus er a lomes er a Nikodemus er a klebesei e ngmilekera ochotii el kmo ngmla rullii er a rengul el meruul er a remo disaiplo?

Ngera Kede Suubii er a Jesus?

2. Kede ochotii a bltkil a rengud el mora rechad loeak sel derellii er a rengud el mo olengeseu er tir el mo ta er a disaiplo.

Moukerebai er a Jesus

3. Mosuub er a taem me a basio el lungil er a study er kau. Nglocha ngar ngii a specific el sils me a lechub ngtaem el soal. Nglocha lmuut lungil er ngii a losuub er a urerel, blil, me a lechub e ngbasio el buai? Bora tkurrebab el sebechem el adjust er a schedule er kau el mo mesuub er a taem me a basio el lungil el kirel a study er kau.

4. Mosuub er a every week. A lsekum ke mo dibus, e lak em cancel er a omesubiu. Bai molatk el kmo:

1. Ngsebechem el study er a ngodech el taem er tia el week?

2. Ngsebechem el study loeak a dengua me a lechub e ng videoconferencing?

3. Ngsebechem lolengit er a ta er a chad me ngmo mesuub lobengkel?

5. Moluluuch lolengit er a melemalt el attitude. Molengit er a Jehovah me lengesukau me ngdiak em give up er a chad el mosuub el lobengkel mo lmuut me a lsekum ngmeringel er ngii a mesuub er a every week me a lechub e ngmeringel er ngii oltaut aike el losuub. (Fil. 2:13) Ngulterekokl el ngar ngii a betok lungil el blekerdelel me moluluuch lolengit er a Jehovah me lengesukau el mo focus er aikang.