A NGER ER AIKE EL KER ER A BIBLIA

Ngsebechel el mo diak a chelebuul er a beluulechad?

A klou el chelebuul el uchul a klengerenger me a rakt a mekodeterir rebetok el miliol el chad er a bek el rak. Me alta e ngar er ngii a bebil el basio er a beluulechad el kmal merau, engdi a klou el ildois er a rechad a kiei el kmal chebuul a rolel a klengar er tir. A Biblia a meketeklii el kmo a chelebuul a di mla ngar er ngii el mondai er a klechad er a uchei el me lmuut er chelechang.—Monguiu er a Johanes 12:8.

Ngsebechel el mo diak a chelebuul a lsekum a kabelment a mo er ngii a klisichel el kutmokl aike el rokui el ousbech a klechad el ngar er a tabesul el blingelel. Me a chouaitia el kabelment a dirrek el kirel el mo torob a mekemad el ngii a ta er a kot el ngarbab el uchul a chelebuul. E a Dios a mla tibir el mo toketekii tiaikid el kabelment er a beluulechad.—Monguiu er a Daniel 2:44.

Me ngtecha sebechel el mo okngemedii a chelebuul?

A Dios a mla ngiltii a Ngelekel el Jesus el mo mengedereder er a beluulechad. (Psalm 2:4-8) Me a Jesus a mo olsobel er a remechebuul e mo okngemedii a chelebuul me a uldikel er tia el beluulechad.—Monguiu er a Psalm 72:8, 12-14.

Me ngdi ua ulaoch el medung el kmo a “King er a Budech” el Jesus a mo toketekii a budech me a ulekerreu er tia el beluulechad. Seikid e a rokui el chad a mo er ngii a blirir, e mo dmeu a rengrir el meruul a urerir, e dirrek el kmal mo betok a kelir.—Monguiu er a Isaia 9:6, 7; 65:21-23.

A lsoam a lmuut el omesodel, e momes er a 8 el bliongel er tia el babier, Ngerang Mera el Lolisechakl a Biblia?, el mirruul er a Resioning er a Jehovah

Ngdirrek el ngar er ngii er a www.jw.org/pau