‘Kall el Mechii a Blsechel’
1. Ngmilekerang e tia el dirk mlo merek el prokuram er a ta el sils el ileakl el ongdibel e ngosukau me a rebebil?
1 Sel ta el bo el merek a ta el sils el ileakl el ongdibel er kid, e kede blechoel el melekoi el kmo, “Kede mera el uluusbech er tiang!” A ta el odam el oldingel a ongdibel a uluuchais el kmo a uriul er a lrengesii a prokuram er a ta el sils el ongdibel, e a rebebil el ngar er aike el ongdibel el loldingel a ulechotii a urungulir el sorir el mo menglou er a omesiungir. A kuk ta er a odam el oldingel a ongdibel a melekoi el kmo: “Ngilsukemam el mo bleketakl a osengam el kmo kede ngar er a keskelel a taem er a reksi sel domes aike el tekoi el dullilt er a klengar er kid.” A kuk tang a melekoi el kmo. “A rebetok el mla mo oldingel a obliil a ulechotii a uldesuir el kmo tiang a mle ua luleklatk el kirir me bo el sebechir el mo oltaut a osengir er sel kot el klou a ultutelel el tekoi, el ngii a ureor er a berkel a klumech.” Ngmilekerang e ngosukau tia el ileakl el ta el sils el ongdibel?
2. Ngera bo dosaod er a prokuram er tia el merael el mei el rak er a omesiou?
2 A prokuram er tia el merael el mei el rak er a omesiou a dirrek el tekoi el kmal dousbech er ngii. A dai er ngii a kmo “Bo er a Jehovah el Kirel a Osebechakl,” el mlengai er a Psalm 118:8, 9, NW. Aikakid a bebil er a suobel el bo dosaod: “Ngmekerang e a Jehovah a Osebechekled er a Taem er a Chelebuul,” “Mngesuterir a Rebebil el Mo Metik a Osebechakl er a Cheungel a Ulekerreuil a Jehovah,” “Moukerebai er a Jehovah el Omesterir a Rechad a Osebechakl,” “Rengeasek el Chad, Motuil a Klaumerang er Kemiu er a Jehovah!” me a “A Ungil Blekeradel er a Klengar-Techall er a Ulekerreu el Lebeskid a Jehovah.”
3. Ngmekerang e sebeched el ngmai a klungioled sel debo er a ta el sils el ileakl el ongdibel?
3 Ngmekerang a Dengai a Klungioled er a Prokuram: Sel lebo lemoterekokl a temel tia el ileakl el ta el sils el ongdibel, e mketmeklau me bo el sebechem el mong, e dirrek el mongemedaol er tirke el mosuub a Biblia el obengterir. A lsoad el mo “oba kllourreng el mo ourodech,” e ngkired el mo urrekodel er aike el tekoi el derenges. (Lk. 8:15) Me bo mkerekikl el orrenges er a prokuram, e mluches aike el mle soam el meklou a ultutelel el tekoi me aike el ulekrael el molatk el mo oltaut er a klengar er kau me a omesiungem. Mchoit a taem el ongalek er a uriul er a ta el sils el ileakl el ongdibel el mesaod er a prokuram, e molatk a bebil er a rolel el sebechem kau me a telungalek er kau el oltaut aika el tekoi.
4. Ngera uchul me ngkired el omes el beduluchei el kirel tia el merael el mei el ta el sils el ileakl el ongdibel er kid?
4 El uai a ungil a telemtemul e ungil er a bedenged el kall, tia el ileakl el ta el sils el ongdibel a mla meketmokl el oeak a bltikerreng me a dmolech el omelebedebek. A Jehovah bo lomekngeltengat aike el bo moruul me bo el sebechem el mo er a ta el sils el ileakl el ongdibel me bo mngai a klungiolem er aike el ‘kall el mechii a blsechel’ el mo omeka er a klaumerang er kid el Kristiano.—Mt. 24:45.