“Lak Bo Medakt”
1. Ngera el omelsemai el bo dechelebangel a uai aike el lechilebangel a Jeremia?
1 A Jeremia er a lemetutk el mo profet, e ngulemdasu el kmo ngdimlak el rredemelel. Engdi a Jehovah a millisiich er ngii el kmo, “lak bo medakt,” e millisiich er ngii el mo otutii a ngerechelel. (Jer. 1:6-10) Chelecha el taem er kid, e a rur me a lechub a diak el lulterekokl el rengul a chad a sebechel el ngar er ngii a lerellii er a urered er a berkel a klumech. A dekted el kirel a rolel a rechad a longer er kid me a lechub a osengir el kired a sebechel el olekebai er kid me ngdiak dousioning a lebebil er a taem. Ngmekerang e sebeched el mo mesisiich er aika el dakt, e ngera el klungiaol a sebeched el nguu?
2. Ngmekerang a omengetmokl a lengesukid el chollakl a dekted el kirel a ureor er a berkel a klumech?
2 Mongetmokl er Kau er a Uchei: A ungil el omengetmokl a sebechel el cholleklii a dekted. El uai tiang, a lsekum kede omelekl er a uchei aike el blechoel el lolekoi a rechad el merrob a cheldecheduch, e kede mo kltmokl el onger a ultekengir. (Osi. 15:28) Mousbech aike el temel a Omengull el Telungalek er kemiu el kutmeklemiu el kirel aike el kakerous el omelsemai el ngar er ngii er a skuul me a ngar er a omesiunged.
3. Ngmekerang a doumerang er a Jehovah a lengesukid el mo mesisiich er a dekted?
3 Moumerang er a Jehovah: A dultuil er a Dios e ngmo sebeched el mo mesisiich er a dekted. A Jehovah a ulterekeklii el kmo ngmo olengeseu er kid. (Isa. 41:10-13) Ngkol ua ngera el ulekerreu a sebeched el obang. Me a lmuut el tang, a Jesus a millisiich er kid el kmo ngmo lmuut er a bo dechelebangel a bkaischemrungel el tekoi, e a oureor el klisichel a Dios a sebechel el ngosukid el mo ousioning el ngar er a ungil el rolel. (Mk. 13:11) Me bo deblechoel el olengit er a Jehovah el kirel a oureor el klisichel.—Lk. 11:13.
4. Ngera el klengeltengat a sebeched el ngmai a doutekangel el ngar er a omesiunged alta kede chelebangel a omelsemai?
4 Aike el Klengeltengat el Bo Dengai: Sel doutekangel el ngar er a omesiunged alta kede mo chelebangel a omelsemai, e ngmo sebeched el mo mesisiich er aike el ringel el bo dechelebangel er a ngar er a medad el klebesei el ngar er a ungil el rolel. Seikid e ngmo sebeched el mekurulii a blekeurreng—el ngii a blekerdelir tirke el ngar er ngii er tir a oureor el klisichel a Dios. (Rel. 4:31) Me a lmuut el tang, sel bo demesisiich er aike el dekted el oeak a ngelsuil a Jehovah, e kede smisichii a klaumerang er kid er ngii. (Isa. 33:2) Kede dirrek el mo melechesuar a deurreng el mo er ngii e le kid el medengei el kmo kede oldeu er a rengul a Demad el ngar er a eanged. (1 Pe. 4:13, 14) Misei, e lak demedakt el ouchais er a klumech er a Renged el oba blekeurreng, e deblechoel el oumerang el kmo a Jehovah a sebechel el ngosukid!