Kau Ke Kongei el Mo Melodech a Rolel a Moruul a Tekoi?
1. A omelodech el ngar er ngii er a beluulechad, nguchul e ngkired el melodech a ngerang?
1 A beluulechad er chelechang a sebeched el omekesiu er ngii er a stage el blechoel el di mengedengodech tirke el actor er ngii me a tekoi el duubech er a chelsel. A omelodech el ngar er ngii er a beluulechad a uchul me ngmo kired el melodech a rolel a domerk er a klumech, schedule er kid, me a dirrek el rolel a domuchel a cheldechedechad. Kau ke kongei el mo melodech a rolel a omoruul a tekoi?
2. Ngera me ngkired el melodech a rolel a doruul a tekoi me bo el sebeched el oltirakl er a cheldebechel?
2 Rolel a Momerk er a Klumech: A ongdibel er a Rekristiano a mle blechoel el kongei el melodech a tekoi el loruul. A Jesus er sera loldurokl er a redisaiplo er ngii, e ngdilu er tir me ngdiak loruul er a blil a kelir me a lechub e losuk a udoud er a deterir. (Mt. 10:9, 10) Me nguaisei, engdi a uriul e ngildechii tia el tekoi e le ngmillatk aike el mo duubech er a ngar mederir el taem e le rechad a mo ouketui er a redisaiplo er ngii me tia el berkel a klumech el mo oberk el mo er a bebil er a beluu. (Lk. 22:36) Ngar er aika el mereko el dart el rak, e a cheldebechelel a Jehovah a mla ousbech a kakerous el a rolel a domerk er a klumech el oltirakl aike el luluusbech a rechad er sel taem. Te uluusbech a testimony card, razio, me a mlai el ngar er ngii a klou el speaker er ngii. Ngar er a betok el basio e a rechad a diak leblechoel el ngar er a blirir, me chelecha el taem e kede melasem el mengedecheduch er a rechad er a ngii di el taem me a lechub e ngsel dengar er a buai. Kede dirrek el mla muchelechel el mo oldingel a obliil a lekebesesengei a lsekum a rechad a oureor sel lemellomes. Me chelecha el lolodech a rolel a kuruma er a Jehovah, e kau ke dirrek el melodech a tekoi el moruul el mo oltirakl er ngii?—Ese. 1:20, 21.
3. Ngmekerang e ngosukid el mo ungil el omerk er a klumech er a territory er kid a lsekum e ngsebeched el melodech a rolel a doruul a tekoi?
3 Rolel a Momuchel a Cheldechedecham: Ngera el tekoi a ngar er a uldesuir a rechad el ngar er a basio el omkiei er ngii? Ng economy? Telungalek? Mekemad? Ngungil a lsekum e kede medengei a mondai me a ngii di el ngerang el duubech er a basio el dengar er ngii me bo el sebeched el mo ungil kutmeklid el kirel a tekoi el bo dosaod er ngii. (1 Ko. 9:20-23) Sel sekum a rechad er a blai a olecholt a uldesuir, e ngungil a mngedechii a tekoi el mosaod er ngii me bo el sebechiu el mesaod er a tekoi lesemeriar er ngii , er a bai di molemolem er sel tekoi el mle soam el mo mesaod er ngii.
4. Ngera me ngungil a demereched el melodech a rolel a doruul a tekoi?
4 Ngdi kmedung e ngmo merek tia el ureor er a berkel a klumech, e sola e ngmo omuchel a klou el ringel. “Ng olekeda ulebongel.” (1 Ko. 7:29) Me a leuaisei, e ngklou a ultutelel a demereched el melodech a rolel a doruul a tekoi, me bo el sebeched el remuul aike el rokui el sebeched er a chelsel aika el medechel el taem!