Mesaod Aike el Doumerang el Kirel a 1914

A Bades a melisiich er kid el mo “kldmokl el smodii” a doumerang er ngii, el “oba delemedemekerreng ma omengull.” (1 Pe. 3:15, 16) Ngkmal merang, alta e kede metik er ngii el kmo ngmeringel a dosaod a dmolech el klemerang er a Biblia, el ua tiang, kede mekerang e medengei el kmo a Renged a ulemuchel el mengedereder er a 1914. Me ngmla meketmokl el mo ngosukid a eru el uldak el suobel el dai er ngii a kmo “Mengedecheduch er a Tonari​—A Rengedel a Dios Ngmlo Omuchel el Mengedereder er Oingerang?” Me sel morriter aika el suobel, e momtab aika el ker el llechukl er iou el kirel a teletelel a cheldecheduch el luluusbech er ngii a Cameron, el ngii a publisher el ngar tia el suobel.

Ngmilekerang . . .

• er a lechetengii me bo lsebechel el kongei el muchelii a ungil el cheldecheduch er a delongelir?​—Rel. 17:22.

• er a lolecholt a klengariourreng sel losaod aike el tekoi el loumerang?​—Rel. 14:15.

Ngera uchul me ngungil . . .

• el bebil er a taem e ngomelekl a suobel er a uchei er a losaod a lmuut el betok el tekoi?

• el bebil er a taem e lolengull e loker er a chad er a blai a lsekum e ngmedengei aike el tekoi el bla losaod?

• el dimlak lolasem el mesaod a kmal betok el tekoi er a di ta el taem?​—Jn. 16:12.

Kede mera el mereng a sulel a Jehovah, el Kot el Ngarbab el Sensei, el olisechakl er kid er a rolel a dosaod a dmolech el klemerang er a Biblia el mo er tirke el songerenger el sorir el mo medengei!​—Isa. 30:20.