Ngsebechem el Melisiich er a Kristiano el Mla Mo Diak el Ngar er a Ongdibel

Bek el rak, e a rebetok el Kristiano el mla mo diak el ngar er a ongdibel a mei er a Chedaol Belsoil. Tirka mla er tia el rurt er a klengar engdi te mla mo soro el remurt el kakerous el tekoi a uchul, e a bebil er aika el tekoi a soadel er sel babier el Return to Jehovah. (Heb 12:1) Nguaisei, engdi te kmal dirk mekreos er osengel a Jehovah, el Ngii a ulemechar er tir el oba rsechel a Ngelekel. (Rel 20:28; 1Pe 1:18, 19) Me ngmekerang a dengesuterir el lmuut el mei er a ongdibel?

A remechuodel a osiik e olengeseu er tirka el Kristiano el di ua blak a rengul el mengkerengel a sib el osiik er a ririid el sib. (Lk 15:4-7) E tiang a olecholt er a bltkil a rengul a Jehovah. (Jer 23:3, 4) Me ngkid el rokui, el diak di el remechuodel, a melisiich er tir. Me sel debekokuii el mo er tir e ngodeuir a rengul a Jehovah e mo uchul a klou el klengeltengat. (Osi 19:17; Rel 20:35) Me bo mungil el dobedebekii a chad el sebechem el melisiich er ngii e moruul er tiang er a di mereched el taem!

MOMES ER A VIDEO EL ENCOURAGE THE INACTIVE ONES, E MOSAOD AIKA EL KER:

• Ngmilekerang a Abbey er a lebetik er a ta el Sioning el dimlak lodengelii?

• Ngera uchul me ngkired el mo mengedecheduch er a remechuodel a lsekum e ngsoad el mo olengeseu er a Sioning el mla mo diak el ngar er a ongdibel?

• Ngmilekerang a Abbey e mengetmokl er ngii er a ongeru el taem el bo loldingel er a Laura?

• Ngmilekerang a Abbey e olecholt a blakerreng me a kllourreng me a bltikerreng er a lolisiich er a Laura?

• Ngera sebeched el suubii er a okesiu er a Jesus el ngar er a Lukas 15:8-10?

• Ngera el klengeltengat a mlo er ngii e le tir el mle blak a rengrir el olengeseu er a Laura?