Ngua Ngera Klisichel a Klaumerang er Kau er a Telbilel a Jehovah?

A Josua me a Salomon a millekoi el kmo a rokui el tekoi el lullib a Jehovah a di mlo tmaut. (Jos 23:14; 1Ki 8:56) Me a tekingir tirka el teru el chad a kmal oterekokl a uchetemel a klaumerang er kid.​—2Ko 13:1; Tit 1:2.

Ngmilekera Jehovah e oltaut a telbilel er a taem er a Josua? Mdak kau me a telungalek er kau el omes er a video el ‘Not One Word Has Failed’ e mosaod aika el ker: (1) Ngmekera moukerebai er a klaumerang er a Rahab? (Heb 11:31; Jak 2:24-26) (2) Ngmekera kerebil a Akan e ochotii el kmo, a ledurengud el mo diak dolengesenges e ngmo uchul a telemall? (3) Ngera me a resechal er a Gibeon a ulumulak er a Josua e mirruul a budech el obengkel a Israel, alta te mla chad er a mekemad? (4) Ngmilekera tekingel a Jehovah e tilaut er sel taem el teim el king er a rengelekel a Amor a mlo oumekemad er a Israel? (Jos 10:5-14) (5) Ngerang mla rullii a Jehovah el kirem e le kau el nguu a Rengedel a Dios me a llemeltel el mo kot er a klengar er kau?​—Mt 6:33.

Me sel domtab aike el rokui el bla leruul a Jehovah, me aike el loruul er chelechang, me aike el dirk bo loruul, e ngmo ulterekokl a klaumerang er kid er a telbilel.​—Rom 8:31, 32.