Lmuut El Mo Ungil A Duch Er Kid El Ngar Er A Omesiunged​—Olisechakl er a Chad el Dosuub el Obengkel el Mengetmokl er Ngii

A UCHUL ME NGKLOU A ULTUTELEL: Tirke el mesuub sel longetmokl er tir el kirel a omesubir e ngmo beot er tir el mo medengei aike el dolisechakl er tir e diak bo lobes. E sel lemedechel a klemedengei er tir e te mereched el mo olengeriakl. E a uriul er a techolb e ngdirk kirir el mengetmokl er tir el kirel a miting me a omesiungir me bo el sebechir el di ‘klekar.’ (Mt 25:13) Me a lengar er ngii a ungil rolel a omesubir e ngmo uchul a klungiolir er a klengar er tir el rokir. Seikid a uchul me ngkired el ngosuterir el mo mengetmokl el kirel a omesubir er a Biblia sel domuchel el mesuub el obengterir.

ROLEL A MORUUL ER NGII:

• Mochotii a ungil kerebai. (Rom 2:21) Molatk er ngike el mosuub el obengkel sel mongetmokl el kirel a omesubiu. (km 11/15 3) E mochotii a babilengem me lesa el kmo a babilengem a underline

• Molisiich er ngii el mo mengetmokl er ngii. E sel bla bo lulterekokl a omesubiu, e mouchais er ngii el kmo a omengetmokl a tedebechel a omesubel a Biblia, e mosaod a klungiolel. Mouchais er ngii a bebil er a rolel e ngsebechel el mengoit a taem el mengetmokl er ngii. A rebebil el olisechakl a milechititerir a rechad el losuub el obengterir me lenguu a babilengir el mla underline e lousbech er ngii er a temel a omesubir me lesa klungiolel a lungil kltmokl. E a lsekum e ngmilengetmokl er ngii el kirel a omesubiu e mchat er ngii

• Mochotii a rolel a longetmokl er ngii. A rebebil el chad sel losuub el obengterir a rechad e te ousbech a temel a omesubir el olecholt er a rolel e ngike el mesuub a sebechel mengetmokl er ngii el kirel a ongingil omesubir