“Sel Bla Lokur a Dios”

Ngar cheungel a Llach er a Moses, e a chad el melatk el mo merort er a chebechiielel a kirel kutmokl a babier loltirakl er a llach. Tiang a rirelleterir a rechad me lak di lebeot er tir el mo merort a chebechiielir. Engdi sel taem er a Jesus, e a remengeteklel a klechelid a rirellii el mo beot er a rechad el merort a chebechiielir. A resechal a mle sebechir el di beot el tekoi e te merort a chebechiielir. (“certificate of dismissal” notes er a omesubel a Biblia el kirel a Mk 10:4, nwtsty-E; “divorces his wife,” “commits adultery against her” notes er a omesubel a Biblia el kirel a Mk 10:11, nwtsty-E) A Jesus a mileketeklii el kmo ngdi ta el Jehovah a ngike el tileketekii e dirrek el uchelel a chebechiil. (Mk 10:2-12) Me a chad me a bechil a mo ta el “chelechad” el ngii a telbiil el kirel melemolem el mo cherechar. Me a doltirakl a Bades, e a Mateus a mesaod el kmo a “laokreng” a di ta el rolel e ngsebechel medort a chebechiil.​—Mt 19:9.

Chelechang e a rebetok el chad a di ua uldesuir a Refarisi el kirel a chebechiil el diak leua Jesus. Sel lebo er ngii a mondai, e a rechad er tia el beluulechad a di mereched el merort a chebechiielir. Engdi a rubekel el Kristiano a omes a telbilir el kirel a chebechiielir el kmal mekreos me te melasem er a tkurrebab el sebechir el mesmechokl a mondai er tir lokiu sel loltaut a omellach er a Biblia. A uriul er a omomes er a video el Love and Respect Unites Families, e monger aika el ker:

• Ke mekera otutii a Osisechakl 15:1 er a chelsel a chebechiielem? E ngera me tiang a klou a ultutelel?

• Ke mekera oibngau er a mondai lokiu sel moltaut er a Osisechakl 19:11?

• A lsekum e ngmetemellung a chebechiielem, e molatk el kmo ngera el ker a kirek el melatk, e bai lak momdasu el kmo, ‘Ngak, ngmla mo kirek el dortii a chebechiielek?’

• Ke mekera mo ungil bechiil sechal me a lechub e ke bechiil redil lokiu sel moltaut er a Mateus 7:12?