Bo Mkerekikl el Oltirakl a Ultil Ochil a Kristus

A Jesus a kiltmeklii a kerebai el sebeched el oltirakl er ngii, el ileakl sel dechelebangel a ringel me a lechub a odechelakl. (1Pe 2:21-23) Me alta ngmlotuub, engdi ngdimlak lolaitechei, el mo lmuut er a taem el lecharm er a ringel. (Mk 15:29-32) Me ngera ngilsuir el mo outekangel? Ngtilbir a rengul el mo meruul a soal a Jehovah. (Jn 6:38) Ngdirrek el mle ultaut a osengel er sel “deurreng el dirk merael el mei.”​—Heb 12:2.

E kid a kuk mekerang sel mekngit a blekerdelir a rechad el bedul kid el klaumerang er kid a uchul? A remera el Kristiano a diak ‘lomtechei er sel mekngit el oba mekngit.’ (Rom 12:14, 17) Sel doukerebai er a rolel e a Kristus a uluutekangel a ringel, e ngmo dmeu a rengud e le kede oba kengei er a Dios.​—Mt 5:10-12; 1Pe 4:12-14.

MOMES ER A VIDEO EL JEHOVAH’S NAME IS MOST IMPORTANT, E MONGER AIKA EL KER:

• Ngmilekera Sister Pötzingera e ungil ousbech er a temel er a lekelebus er a milkolk el kekerei el delemerab?

• Ngera el ringel a lechillebangel a Brother me a Sister Pötzinger er a lengar er a kakerous el concentration camp?

• Ngera ngilsuterir el mo outekangel?