Ngera Kired el Meruul Me Bo Doltirakl er a Jesus?

9:62

A chad el mesib a sers el soal a bo lemelemalt a cheleliuis er ngii a diak el kirel mo mechesang el lomes a tekoi el ngar ullel. Me ngdi osisiu, a Kristiano a diak el kirel el mechei aike el tekoi er tia el beluulechad el bla lechoit me lluut el mo mengesang er ngii.​—Fil 3:13.

Me sel bo dechelebangel a ringel, e ngbeot er kid el mo oureng aike el ungil el taem er a ngar er a mong el locha sel taem er a uchei er a bo dodengelii a klemerang. E sel doruul el uaisei, e ngua di dolechel a klungiolel a tekoi me ngdikea desa kngtil. A rechad er a Israel a mlo uaisei a uldesuir er a uriul er a letobed er a Ekipten. (Ule 11:5, 6) Me sel bo dolatk aika el tekoi, e ngsebechel choitikikid el mo er sel dimla klengar er kid er a uchei. Me ngbai kmal ungil a bo dolatk el kirel aike el klengeltengat el dolai er chelechang e bo lultaut a osenged er a deurreng el bo dolai er cheungel a Renged!​—2Ko 4:16-18.