A Jehovah a Betik a Rengul er a Reklikiid el Chad

“Mriso a chimam. Bo mketmeklii a room er kau. Mrikii a ulaol. Mchoit a komi.” A rebetok el oungalek a olisechakl er a rengelekir er a rolel a lolemolem el klikiid a bedengir. Engdi a omellach el mengai er ngii aika el tekoi a mla er a Jehovah el mei. (Exo 30:18-20; Dut 23:14; 2Ko 7:1) Sel dolemolem el mengikiid er a bedenged me a klokled, e kede kobkellii a Jehovah. (1Pe 1:14-16) E kuk mekerang el kirel a blid me aike el meliuekl er kid? A Rekristiano a melasem er a tkurrebab el sebechir el mengetmokl er tia el beluulechad me ngdiak leua rechad el di mengoit a komi er tir er a rael me aike el blil a omilil. (Psa 115:16; Och 11:18) Ngmo lmuut er a mekekerei el tekoi, el ua sel dongoit a blil a kiande, me a blil a soda, me a lechub e ng chewing gum, a sebechel el ochotii a osenged el kirel a omengikiid. Ngar er a bek el rolel a klengar er kid, e ngsoad el ‘ochotid el mesiungel a Dios.’​—2Ko 6:3, 4.

MOMES ER A VIDEO EL GOD LOVES CLEAN PEOPLE, E MONGER AIKA EL KER:

• Ngera bebil er a omesodir a rechad el rulleterir me ngdiak longetmokl a kloklir?

• Ngmekera Llach er a Moses e ochotii a osengel a Jehovah el kirel a omengikiid?

• Ngmekera e sebeched el odengesii a Jehovah el okiu a omerelled?