A Rokui el Ringel a Ngar Ngii a Ulebengelel

A ringel a kmal sebechel di beot er ngii a choitechetur a rengud tokubets a lsekum e ngmelemolem el kemanget el taem. A David a mle medengei el kmo a ringel el lemla er ngii el King Saul a uchul a ngar ngii a ulebengelel e ngii a mo king el di ua letilbir a Jehovah. (1Sa 16:13) A klaumerang er ngii a ngilsuir el mo oba kllourreng el mengiil er a Jehovah el mo sumecheklii.

Sel dechebangel a ringel e ngsebeched el melatk e ousbech er a klemedengei er kid el mo melodech er a blekeradel el dengar ngii. (1Sa 21:12-14; Osi 1:4) Me nguaisei el kede locha mo melasem el meruul aike el rokui el sebeched loltirakl a bades engdi ngdi melemolem ngii el ringel. Sel bo leuaisei e ngkmal kired el mo oba kllourreng el mengiil er a Jehovah. Ngkmal di kmedung e ngmo okngemed a rokui el ringel e “smuld a rokui el chiuosech” er a medad. (Och 21:4) A Jehovah locha mo choridii a ringeled me a lechub e ngar ngii a ngodech el rolel e ngmengai a ringel me nguaisei engdi a ta el tekoi el ulterekokl a kmo: A rokui el ringel a di ngar ngii a ulebengelel. Sel bo dodengelii tiang e ngkmal sebechel mengelaod er kid.

MOMES ER A VIDEO EL A UNITED PEOPLE IN A DIVIDED WORLD, E MONGER AIKA EL KER:

• Ngera el omelsemai a blo lechebangel a rebebil Kristiano el kiei er a dimes er a Merikel?

• Te milekera e ochotii a kllourreng me a bltikerreng?

• Te milekera e melemolem el ultaut a osengir er aike el “lmuut el meklou a ultutelel el tekoi”?​—Fil 1:10, NW