Chelitakl 80 (180)

A Babilengel a Dios​—A Mekreos el Daisang

(Osisechakl 2:1)

1. Ngar ngii a babier el betok a llel,

Nguchul a budech ma omelatk el mei ra rechad.

Ma uldesuel a ngar ngii a klou’l klisiich;

Me ngmesterir a klengar a “rulekoad.”

Ngii’l mekreos el babier a Biblia ra Dios.

Ngmilluches ra irechar lokiu ar chad,

Tirke’l mle betik a rengrir ra Jehovah;

Me te mlukreng ra chedaol reng er ngii.

2. Te milluches aike’l blebelel a Dios,

Lokiu a klisichel e ngmlo er ngii.

Dirrek louchais ra kot el chad el cherrungel

E mil’kera e mlo diak se’l Paradis.

Dirrek louchais ra tara anghel

El millasem ra omerredelel a Dios.

Sel omelasem a mlo uchul a klengit,

Engdi Jehovah a mochu mesisiich.

3. Chel’chang eng taem ra mui el deurreng.

Ngmla mechell sel Rengedel a Dios.

Chel’cha’l taem a Jehovah a meskid osobel

Ngmor tirke’l rokui el mor ngii.

Chelsel a Biblia e ngbetok a ungil chais;

Ngdiak domekesiu er ngii ra kolt.

Ngmeskid sel kot el ngar bab lomelatk;

Ngii sel kot el ungil tekoi el mla muchais.