Ngmo Uchul a Klungiolem a Lengar er Ngii a Territory el Moungerachel er Ngii?
1. Sel lengar er ngii a betok el territory er a ongdibel, e nglocha mo soam el meruul er a ngerang?
1 Sel lengar er ngii a betok el territory er a ongdibel, e nglocha mo soam el oungerachel er a kuk di territory er kau el ngii a locha kmeed er a blim. A Organized el babier, el ngar er a 103 el llel a melekoi el kmo: “Sel lengar er ngii a territory el moungerachel er ngii e ngmo sebechem el ousbech er a klou el temem el oldingel a obliil. Ngdirrek el locha mo soam el olengit er a ta er a chad el mo oldingel el obengkem.”
2. Kede mekerang e ousbech er a territory el doungerachel er ngii er aike el taem el diak a miting er a odingel?
2 Mousbech er Aike el Taem el Diak a Miting er a Odingel: A lsekum e ngmo er ngii a territory el moungerachel er ngii el ngar bita er a urerem, e ngsebechem el mo oldingel sel letemel a sueleb me a lechub e ngsel morael el mo remei. Nglocha sebechem el meruul er tiang el obengkel a ta er a chad el oureor er bita er a urerem. A lebo er ngii a territory er kau el kmeed er a blim, e ngsebechiu el dmak el ongalek el mo oldingel er ngii sel leklebesei. Me nguaisei, engdi a lsekum e ngdiak bo er a miting er a berkel a klumech, e ngungil a moluluuch el olengit er a ulekrael er a Jehovah er a uchei er a bo moldingel. (Fil. 4:6) Engdi ngdirrek el kirel mo tabesul a temem el oureor er a territory er kau me a taem el mobengterir a rudam me a rudos er a ongdibel el oldingel. Sel Sebadong me a Sandei, el leblechoel a rechad el mo dmak el kirel a odingel, e ngungil a lsekum e ke mo obengterir tirke el ngar er a group er kau.
3. Ngera el klungiaol a omngai sel lengar er ngii a territory er kau?
3 Klungiolel: A lsekum e ngar er ngii a territory er kau, e ngsebechem el mo oldingel sel lengar er ngii a temem. Ngsebechem el ousbech a klou el temem el oldingel e di mereched el mo er a basio el moldingel er ngii. Tiang a uchul e a rebebil a mo sebechir el auxiliary pioneer me a lechub e te mo teloi er a mui el taem el omesiou. Ngdirrek el mo beot er kau el oldingel er tirke el semeriar e mo mesuub el obengterir a rechad e le te ngar er a osisiu el hang. A rebetok a mesa el kmo sel lomerk er a klumech er a territory er tir, e ngosuterir el mo medengelterir a rechad er a blai me a rechad er a blai a mo oumerang er tir. E tiang a mo uaisei a lsekum e ke blechoel el oureor er a territory er kau er a uchei er a molutii me bo el sebechir a rebebil el kuk melai er ngii. A lsekum e ngar er ngii a territory er kau, e tia ngsebechel el ngosukemiu el ongalek el mo churrengelii a omesiungiu?—2 Ti. 4:5.