‘Walk by Faith, Not by Sight’

Telkib er uchei er a iliueklii a beluu er a Jerusalem e letemellii, e a apostol el Paulus a milluches el kirir a Rekristiano el kmo, tir el ungil el soldau er a Kristus a uchul me te mo chelebangel a ringel e diak el kirir el di melatk aike el di sorir el tekoi. (2 Ti. 2:3, 4) Ngkmal di kmedung e ngmo metemall tia el mekngit el beluulechad, a uchul me kede kmal ousbech a mesisiich el klaumerang el mo melemolem el melatk a Tekingel a Dios. (2 Ko. 4:18; 5:7) Momes er a video el ‘Walk by Faith, Not by Sight.’ (Bo er a jw.org, e momes er a cheungel a PUBLICATIONS > VIDEOS.) Momtab er sel rolel e a Naham me a Abital a kmal mle kerekikl a tekoi er a kerruul el mle sebechel el mo uchul a kodellir. E a uriul, e mosaod aika el ker el beldukl er iou.

(1) Ngera sel “melemall a chedaol el . . . mocha dechor ra chedaol” er a irechar, e ngera mle kirir a Rekristiano el kiei er a Jerusalem el meruul er ngii? (Mt. 24:15, 16, BT) (2) Ngera uchul me te uluusbech a klaumerang me bo el sebechir el chemiis er tia el mats? (3) Ngera mle kirir el melenget me bo el sebechir el chemiis er tia el mats? (4) Ngera uchul me a Naham me a Abital a mlo meoud el merael? (Mt. 24:17, 18) (5) Ngera ta er a omelasem el blo lechebangel er ngii a Rachel er a letobed er a Jerusalem? (Mt. 10:34-37; Mk. 10:29, 30) (6) Ngmilekerang a Ethan e milecherei a ungil el kerebai el kirel a klaumerang er ngii er a Jehovah? (7) Ngera el ringel a lechilebangel a Rekristiano er a lengar er a Pella? (8) Ngmilekerang a klaumerang er a Naham me a Abital e mirrael el mo mechitechut? (9) Ngmilekerang a Jehovah e omekerreu er a Rekristiano el ngar er a Pella? (Mt. 6:33; 1 Ti. 6:6-8) (10) Ngmekerang a doukerebai er a Abraham me a Sara er chelecha el dechelebangel er a ulebengelel tia el mekngit el blekeradel? (Heb. 11:8-10) (11) Ngmilekerang a Naham me a Abital e di mle tir el oterekokl a uldesuir el kmo ngkirir el lmuut el mo er a Jerusalem, e ngera uchul me ngmle cheleuid a uldesuir? (Lk. 21:21) (12) Ngmle ua ngera blekeradel er a beluu er a Jerusalem er a lluut el mong a Naham me a Abital? (13) Ngera uchul me ngklou a ultutelel el kired el melisiich er a klaumerang er kid er chelechang er a uchei er a lemei a ulebengelel tia el mekngit el blekeradel?​—Lk. 17:31, 32; 21:34-36.

A dorael el ngar er a klaumerang a belkul a kmo (1) kede oumerang er a ulekrael er a Jehovah e (2) kongei a ulekrael er ngii me lomekrael er kid, e (3) mengreos a Tekingel a Jehovah el kuk ngaruchei er a tekoi er a kerruul. Me bo lulterekokl a rengud el merael el ngar er a klaumerang, el oumerang el kmo “a beluulchad ma ikel rokui el ngar a chelsel, el lesal ngemokel a rengrir a re chad er ngii, a di mei el remiid; e ngdi ngikel meruul a ikel odeuir a rengul a Dios a di melemolem er a klengar er ngii el diak a ulebengelel.”​—1 Jn. 2:17.