Mongull er a Jehovah el Telungalek

Ngdi ua aike el bla msuub er tia el babier, a Biblia a betok a omellach er a chelsel el sebechel el ngosukau kau me a telungalek er kau. A Jehovah a soal a bo el deu a rengum. Ngtilbir el kmo a lsekum ke nguu a omengull el mo er ngii el mo kot, “e a ikal rokui a bo lebeskemiu.” (Mateus 6:33) Ngkmal soal a obo msechelil. Mousbech a bek el techall el mo omekeroul er a klausechelei er kau me a Dios. E tiang a kmal klou el techall el sebechel a chad el obang.​—Mateus 22:37, 38.

1 MSISICHII A DELONGELEM KAU ME A JEHOVAH

A LOLEKOI A BIBLIA: “Ak mo Demmiu, me kemiu a mo ngelekek el sechal ma ngelekek el redil, ma ika ia tekingel a Rubak.” (2 Korinth 6:18) A Dios a soal a bo mkot el kmeed el sechelil. A nglunguuch a ta er a rolel a omoruul er tiang. Me a Jehovah a soal a cho “moluluuch el di blechoel.” (1 Thesalonika 5:17) Ngkmal semeriar el mo orrenges a ngar er a uldesuem me aike el tekoi el suebek a rengum er ngii. (Filipi 4:6) Me sel moluluuch el obengkel a telungalek er kau, e ngsebechir el mesang el kmo a Dios a mera el ngar er a chelsel a rengum.

Me a obengkel a omongedecheduch er a Dios, e ngkirem el orrenges er ngii. Ngsebechem el meruul er tiang el oeak sel mosuub a Tekingel me aike el babier el mesaod er a Biblia. (Psalm 1:1, 2) Molebedebek aike el mosuub. (Psalm 77:11, 12) Ngdirrek el kirem el orrenges er a Dios el oeak sel bo blechoel el teloi aike el miting er a Rekristiano.​—Psalm 122:1-4.

A ta er a kmal klou a ultutelel el rolel e ngmo mesisiich a delongelem kau me a Jehovah, a sel omongedecheduch er a rebebil el kirel. Me a bek el taem el moruul el uaisei e ke mo omelechesiu er kau el merael el mo kmeed er ngii.​—Mateus 28:19, 20.

SEBECHEM EL MERUUL:

• Meklii a taem er a bek el sils el menguiu er a Biblia e moluluuch

• Mngai a tekoi er a klereng er kemiu el telungalek el mo er uchei er a tekoi er a omilil me a ulengull

2 MOLDEU A RENGMIU ER A OMENGULL EL TELUNGALEK

A LOLEKOI A BIBLIA: “Molekeed er kemiu er a Dios, me bo lekeed er kemiu.” (Jakobus 4:8) Ngkirem el kutmeklii a ungil el taem er a omengull el telungalek er kemiu e otireklii er a bek el blsechel. (Genesis 18:19) Engdi ngdirk betok a omousbech. A Dios a kmal kirel el mo uldimukl er a tekoi el moruul er a bek el sils. Molisiich er a deleongel er a telungalek er kau me a Dios el oeak sel mouchais el kirel sel “cho mngar a blai ma cho mcheroid, ma cho molengull ma cho moureor.” (Duteronomi 6:6, 7) Mrellii el mo turrekong er kau el mo ua Josua el millekoi el kmo: “Ngdi ngak ma re chad er a blik a mo mesiou er a RUBAK.”​—Josua 24:15.

SEBECHEM EL MERUUL:

• Mketmeklii a ungil el suobel er a bek el blsechel el mo mesaod a usbechir a derta el chad er a telungalek er kau