CHELITAKL 99
Ngbetok a Rediak Lemochur Rudam
(Ocholt 7:9, 10)
1. Ngbetok ar diak l’mochur rudam,
El dechor bitar ngak.
Tomerk ra klumech er a Renged,
El loba blakerreng.
Ngbetok ar diak l’mochur rudam,
Di mel’ketek a ildisir,
El ngara kakerous el beluu,
E oldanges er a Dios.
2. Ngbetok ar diak l’mochur rudam,
Lomerk cheroid ma kmeed
El kirel a ungil chais,
Me bo lorrenges ar chad.
Me sel dolemolem lomerk,
Alta ngmo uchul a ringel
Jesus a mo melisiich er kid
Me ngmo budech a rengud.
3. Ngbetok ar diak l’mochur rudam.
Dios a di kmeed er kid,
Ngmel’molem lom’kerreu er kid.
Kede mesiou er Ngii.
Ngbetok ar diak l’mochur rudam,
Lomerk chisel a Renged,
Kede oureor kldemel a Dios,
Mesiou er ngii r’tial chutem.
(Dirrek el momes er a Isa. 52:7; Mt. 11:29; Och. 7:15.)