11 EL SUOBEL

Mochotii a Klemeriarreng

Rom 12:11

KEDEB EL OMESODEL: Molisiich er a rurrenges er kau sel mongedecheduch el oba blakerreng.

Bo mungil medengelii a tekoi el mosaod er ngii. Sel mongetmokl er kau el mo oltobed er a cheldechedecham, e bo mungil el melatk er a klungel a ultutelel a tekoi el mosaod er ngii. Bo mungil medengelii a tekoi el bo mosaod er ngii me bo el sebechem lotebedii el mera el ngar er a rengum.
Molatk er a rurrenges er kau. Molebedebek er a rolel, e a tekoi el bo monguiu, me a lechub kolisechakl a mo uchul a klungiolir a rebebil. Molatk a rolel e a tekoi el mosaod er ngii a sebechel rulleterir el mo oba omereng el saul el kirel.
A cheldechedecham bo lomeksemeriar er a rurrenges, e lak mrelleterir el mo seselk a rengrir. Mongedecheduch el oba blakerreng. A osengem me a rolel a cho momchim bo lolecholt er a mera el uldesuem.

Mkerekikl me a rolel a cho momchim lak bo longesang a uldesuir a rurrenges. Bo lengar ngii a ultutelel sel cho momchim. E mochotii a klemeriarreng el ileakl sel molisechakl aike el meklou a ultutelel el tekoi, me sel molisiich er a rurrenges er kau el mo oltaut er ngii. Lak mrelleterir el mo mesaul a rengrir e le kau el kmal di olsiich a rokui el tekoi el mosaod.