Mecherei a Cheldecheduch Me Ngdi Ngii Lomekrael er Ngii

Lurruul er Ngii a Filip

VIDEO: A Filip Omerk el Mora Eunuk er a Ethiopia

1. Momes er a VIDEO me a lechub e monguiu er a Rellir 8:​30, 31. E molatk aika el ker:

1. Ngmilekera Filip e omuchel er a cheldecheduch?

2. Ngera uchul me tia mle ungil rolel e ngmechelii a cheldecheduch e share er a chad er a beches el klemerang?

Ngera Kede Suubii er a Filip?

2. A lsekum kede mecherei a cheldecheduch me ngdi ngii lomekrael er ngii, e a chad a mo relax e sebechel kongei lorrenges er a klumech el dobang.

Moukerebai er a Filip

3. Bo lebiusech a medam. Ngkmal betok a sebechem el suub el kirel a chad sel momes er a medal me a body language er ngii. A chad, ngkongei el mengedecheduch? Nglocha sebechem louchais er ngii a klemerang er a Biblia loeak omdu el kmo, “Ke medengei el kmo . . . ?” Lak em force er a cheldecheduch el mora chad el diak el soal mengedecheduch.

4. Bo moba kllourreng. Lak em feel el kmo ngkirem el di mereched el mesaod er a Biblia el mora chad. Mongiil er a ungil techall me sel bocha mouchais er ngii e ngungil merael a cheldechedemiu. A lebebil e tia locha mo belkul a kmo ke mo mesaod er a Biblia lobengkel a chad sel omluut el mo mengedecheduch er ngii.

5. Bom adaptable. A chad a locha mo mesaod er a tekoi el dimlak em expect er ngii. Me mkengei el mesaod er a tekoi el ngar ngii a belkul er a chad, mo lmuut me a lsekum ngmo kirem el share er a klemerang er a Biblia el ngodech er sel mullatk er ngii.