Klengariourreng

Omellach: “Moba klengariourreng el di blechoel el omdasu er a re bebil er a re chad el kmo te kuk ungil er kemiu.”—Fil. 2:3.

Lurruul er Ngii a Paulus

Apostol Paulus el llechotel a bita el chimal er a bombatel el mora bita el chimal a mengkar e oba omengull el mengedecheduch er a King Agripa, Kabernor Festus, me a Bernis.

VIDEO: A Paulus Omerk el Mora King Agripa

1. Momes er a VIDEO me a lechub e monguiu er a Rellir 26:2, 3. E molatk aika el ker:

Ngmilekera Paulus e ochotii a klengariourreng er a longedecheduch er a King Agripa?
Ngmilekera Paulus e rullii me kede omes el bedul a Jehovah me a Bades el diak el ngii?—Momes er a Rellir 26:22.

Ngera Kede Suubii er a Paulus?

2. A klumech el dobang a mo olechau a reng sel douchais er ngii loeak a klengariourreng me a omengull.

Moukerebai er a Paulus

3. Lak mrellii a chad el mo omdasu el kmo ngdiak a ngerang el lodengei. Mochotii omengull sel mongedecheduch.

4. Beketeklii el kmo ng Biblia a uchetemel a klemerang el mouchais. A Tekingel a Dios a sebechel remutech a rengrir a rechad. Sel dousbech er ngii e kede meleketek er a klaumerang er tir er a melemalt el omekedecheraol.

5. Lolemolem el ultebechel a rengum. Lak morrimel er a chad el mo mesa el kmo ke melemalt. Ngdiak el soad a klautoketok. Mochotii a klengariourreng loeak sel lolemolem el chelellakl a rengum e bo modengelii a ungil el taem el mla mo kirem el merael. (Osi. 17:14; Tit. 3:2) A medemedemek el nger a locha mo kutmeklii a rolel e ngmo kongei el lorrenges er a lmuut el ta er a taem.

DIRREK EL MOMES ER A

Rom 12:16-18; 1 Ko. 8:1; 2 Ko. 3:5